ഞങ്ങളുടെ സ്കൂളിലെ വിദ്യാരംഗം കലാസാഹിത്യവേദിയുടെ ഔപചാരികമായ ഉദ്ഘാടനം 9.7.2015വ്യാഴാഴ്ച ഉച്ചയ്ക്ക് 2 മണിക്ക് നടന്നു.പിലാങ്കട്ട സ്കൂളിലെ അധ്യാപകനായ ബഹുമാനപ്പെട്ട നിര്മല് മാസ്റ്റര് ഉദ്ഘാടനകര്മം നിര്വഹിച്ചു.സ്കൂള് ഹെഡ്മാസ്റ്റര് ശ്രീ.സൂര്യനാരായണ.ബി അവര്കളുടെ അധ്യക്ഷതയില് നടന്ന ചടങ്ങില് വിദ്യാരംഗം കോ-ഓര്ഡിനേറ്റര് ചന്ദ്രിക ടീച്ചര് സ്വാഗതവും,ജോയിന്റ് കണ്വീനര് നാരായണി ടീച്ചര് നന്ദിയും രേഖപ്പെടുത്തി.
രസകരമായ ഒട്ടേറെ പ്രവര്ത്തനങ്ങളിലൂടെ നിര്മല് മാസ്റ്റര് കുട്ടികള്ക്ക് നല്ല അനുഭവങ്ങള് സമ്മാനിച്ചു.സ്കൂളിലെ കുട്ടികളുടെ സൃഷ്ടികള് ഉള്പ്പെടുത്തി തയ്യാറാക്കിയ ''ഇതളുകള്''എന്ന കയ്യെഴുത്തു മാസികയുടെ പ്രകാശനവും ചടങ്ങില് നടന്നു.കുട്ടികളുടെ പരിപാടികളും നടന്നു.വായനാവാരത്തോടനുബന്ധിച്ച് നടത്തിയ ചില പരിപാടികളുടെ സമ്മാനദാനവും നിര്മല് മാസ്റ്റര് നിര്വഹിച്ചു.